3 ára bið á enda. Kominn á veiðar,2017
Árið 2014 þá byrjaði Seigla á Akureyri að smíða tvo báta fyrir Stakkavík í Grindavík. þessir bátar voru með sömu fyrirmynd og Saga K í Noregi.
Sá fyrri Óli Á Stað GK kom í Grindavik í október 2014 og hóf þegar róðra. Sá bátur var síðan seldur til Fáskrúðsfjarðar og heitir í dag Sandfell SU.
Aftur á móti þá dróst og dróst smíði hins bátsins og var hann ekki kominn á flot fyrr enn snemma á þessu ári.
Nýi báturinn sem smíðin hefur dregist svona mikið á er nú loks kominn á veiðar og fékk hann nafnið Óli á Stað GK og er þetta því fimmti báturinn sem heitir sem hefur heitið þessu nafni. Stærsti báturinn sem hefur heitið Óli á Stað GK er í dag báturinn sem heitir Erling KE.
Óðinn Arnberg er skipstjóri á Óla á Stað GK og á mynd hérna að neðan sem Axel Þór Bergmann tók þá má sjá áhöfnin á bátnum auk Hemma í Stakkavík sem er lengst til hægi á myndinni.
Aflafrettir óska áhöfn og útgerð bátsins til hamingju með bátinn
Óli á Stað GK Mynd Axel Þór Bergmann