Anna EA. Stærsti netabátur Íslands,,2018
Stærsti línubátur íslands er Anna EA 305 og hann er líka eini línubáturinn á landinu sem dregur línuna í gegnum brunn sem er í miðjum báti,
Undanfarna daga þá hefur báturinn legið í Njarðvíkurhöfn sem er frekar óvenjulegt því að báturinn landar aldrei afla þar,
svo hvað er þá Anna EA að gera eiginlega í Njarðvíkurhöfn,
Undanfarin sumur þá hefur Samherji leigt netabátinn Erling KE yfir sumarið til þess að veiða grálúðu í net
hefur það gengið mjög vel
og núna ætla þeir að senda Önnu EA á grálúðunetaveiðar
Unnsteinn Líndal Jensson skipstjóri á Önnu EA sagði í stuttu samtali við Aflafrettir að netin yrðu dreginn inn í bátinn í gegnum síðuna og að bæði netabúnaður og línubúnaður verður um borð,
að þessu sinni þá verður aflinn ekki frystur um borð heldur ísaður og landaður til vinnslu á Dalvík.
Verður fróðlegt að sjá hvernig Önnu EA mun ganga á netaveiðum enn Anna EA er þar með orðin langstærsti netabátur landsins
Munur á netabátunum. Þorsteinn ÞH einn af elstu netabátum landsins og elsti eikarbáturinn sem er gerður út út Anna EA risanetabátur og línubátur þarna í bakgrunni
Myndir Gísli Reynisson