Drangey SK kominn í 200 tonna klúbbinn, 2018
í marsmánuði þá var skrifuð frétt hérna á Aflafrettir þess efnis að 200 tonna klúppurinn væri orðin 7 skip.
þarna var átt við að 7 togarar hefðu náð að koma með yfir 200 tonn í einni löndun eftir ísfisksveiðar,
Öll nýju skipin voru á þessum lista og meira segja Akurey AK og Björg EA.
Eitt skip vantaði þó á þennan lista og var það Drangey SK frá Sauðárkróki,
Núna í Apríl þá er áhöfnin á Drangey SK loksins komnir á blað og því gjaldgengir í þennan 200 tonna klúbb.
Því að löndun númer 2 núna í apríl hjá Drangey SK var vel yfir 200 tonnin, eða 216,7 tonn og fékk togarinn þennan afla í 6 daga túr eða 36 tonn á dag.
uppistaðan í þessum afla var þorskur eða 144 tonn.
Drangey SK mynd Jón Steinar Sæmundsson