Einn maður á Ölla Krók GK með 35 tonna afla.,2018
Á listanum bátar að 13 BT eru ansi margir bátar, flestir bátanna þar stunda línuveiðar og þónokkrir eru á handfæraveiðum.
Einn af þessum bátum sem eru þar á listanum er nokkuð sérstakur,
er það báturinn Ölli Krókur GK sem AG eignir eiga og AG seafood gera út, og er AG seafood með stóra fiskvinnslu í Sandgerði
því að á Ölla Krók GK er aðeins einn maður að róa, Gunnar tryggvi Ómarsson.
var hann einn með bátinn allan apríl mánuð og núna í maí mánuði og hefur fiskað einn á þessum tíma um 35 tonn, allur þessi afli var tekin á handfæri og öllu landað í Sandgerði.
Gunnar sagði í samtali við Aflafrettir að þetta væri mikil vinna að vera einn á bátnum því að nokkrir róðranna voru yfir 4 tonnin og sá stærsti tæp 5 tonn,
það má geta þess að seinni hlutann í apríl þá landaði Ölli Krókur GK um 19 tonnum í 7 róðrum sem fengust á 8 dögum. Gunnar réri báti sínum samfellt í 5 daga , einn dag í frí og síðan 2 daga,
núna í maí þá fiskaði báturinn ansi vel, var með tæp 14 tonn í 5 róðrum og í 6 sæti á listanum bátar að 13 bt sem er ansi gott miðað að vera einn á bátnum.
Núna er reyndar Gunnar hættur með bátinn og tekur við dragnót á Halldóri Sigurðssyni ÍS,
Við bátnum tekur Jóhann Haukur Þorsteinsson og má segja að Jóhann Haukur hafi orðið ansi frægur þegar mynd birtist af honum talandi í símann með öngul í gengum hendina á sér.
Þessi mynd af Jóhanni með þennan öngul í sér fór má segja útum allan heim og var sagt að þetta væri lýsandi fyrir íslenska sjómenn, hörkutól upp til hópa.
Jóhann Haukur var á Sævar KE á netum núna í vetur enn var með Ritu SH á strandveiðum þegar að hann fékk öngulinn í sig,
Ölli Krókur GK mynd Jóhann Ragnarsson
Ölli Krókur GK
Hátt í 20 kör af fiski. Myndir frá Gunnari Tryggva Ómarssyni
Gunnar Tryggvi Ómarsson
Jóhann Haukur og myndin fræga. Mynd Haraldur Guðjónsson