Hver er Skreigrunn??. 370 tonn í febrúar..2017

Eins og þið hafið tekið eftir lesendur góðir þá er á síðunni listi yfir norska báta að 15 metrum. og núna yfir vertíðina þá er einn bátur þar sem hefur algjörlega haft einkarétt á toppsætinu,

Sá bátur heitir Skreigrunn, og sem dæmi þá fiskaði Skreigrunn í Febrúar um 370 tonn í 24 róðrum eða 15,4 tonn í róðri,

Hver er Skreigrunn?

Þetta vakti athygli mína þannig að ég fór í smá rannsóknarvinnu og reyndi að koma mér í samband við einhver þarna um borð, og já það gekk eftir. því mér tókst að komast í samband við annan af tveim skipstjórum á bátnum.

Skreigrunn hefur landað núna á stað í Noregi sem heitir Husöy. Þessi staður er í raun eyja sem er tengd við land með vegi og þarna búa ekki margir. eða rétt um 300 manns. Þónokkur útgerð er þarna á þessum stað.

Tveir skipstjórar. eru feðgar

Á Skreigrunn er 5 manna áhöfn og skipstjórarnir eru tveir. Annar þeirra heitir Geir Helge Tøllefsen, sonur hans sem heitir Jørgen Tøllefsen . Jörgen setti sig í samband við mig og ræddi við mig um veiðarnar hjá bátnum.

þeir þurfa ekki að fara langt út, þeir sigla í sirka klukkutíma út og eru þar í hópi með nokkuð mörgum netabátum. og reyndar er það þannig að á listanum bátar að 15 metrum þá eru tveir bátar þar á listanum sem hafa verið að veiða á sama stað og Skreigrunn. Erato og Elise Kristin.

Jörgen sagði að þeir væru vanalega með 6 trossur og í hverri trossu eru 15 net. Báturinn hefur mokfiskað og komist uppí að landa um 40 tonnum eftir einn dag á veiðum.

Gott meðalverð

Allur aflinn fer í vinnslu í Husöy og fá þeir fast verið fyrir aflan. þeir fá 279 krónur fyrir kílóið af fiski sem er síðan unnin ferskur í flug, og fá 257 krónur fyrir kílóið af fiski sem er settur í salt.

Miðað við þetta þá má reikna með að aflaverðmætið hjá Skreigrunn hafi verið í febrúar liðlega 106 milljónir króna.

Hérna að neðan má sjá hvernig Skreigrunn hefur fiskað núna síðustu daga.

Skreigrunn	Dagur	Afli Tonn
	04/03/17	17.9
	03/03/17	6.3
	02/03/17	14.7
	01/03/17	32.0
	27/2	15.3
	26/2	23.0
	25/2	28.7
	24/2	7.1
	23/2	6.6
	22/2	13.1
	21/2	18.5
	20/2	27.7
	19/2	27.7

Það má geta þess að Þetta er í fyrsta skipti í sögu Aflafretta sem að síðan tekur viðtal við skipstjóra í Noregi, og líklegast er þetta í fyrsta skipti í sögu sjávarútvegsnetmiðla á landinu sem að viðtal er tekið við norskan skipstjóra

Skreigrunn Mynd Oddremi Simonsen

Geir Helge Tøllefsen skipstjóri Mynd Vidar Bjorkli

Husöy, eyjan til hægri sem er tengd með vegi í land.