Jón Helgason ÁR 107 tonn í 5 róðrum..1982

Ég var á ferð um evrópu núna í janúar og fram í Febrúar og endaði í Hirthals þar sem að ég tók Norrænu til Íslands. gamal vinnufélagi minn Siggi sem á heima í Hanstholm var áður útgerðarmaður í mörg ár á íslandi, og gerði meðal annars út nokkra báta sem hétu Jón Helgason ÁR .

Siggi sem er orðin 82 ára í dag var skipstjóri á öllum bátunum sem hétu Jón Helgason ÁR og endaði sinn sjómannsferil á Íslandi á báti sem hét Vismin ÁR .

Ætla að skoða eina vertíð hjá Jóni Helgasyni ÁR og árið er 1982.

Jón Helgason ÁR réri frá Þorlákshöfn og landaði öllum afla sínum í Suðurveri hf.

Báturinn byrjaðiá netum í janúar og landaði þá 30,6 tonnum í 5 róðrum eða 6,1 tonn í róðri,

Febrúar var nokkuð góður þrátt fyrir að báturinn hafi ekki róið marga róðra, því að Jón Helgason ÁR fór einungis í 7 róðra og landaði 74 tonnum eða 10,6 tonn í róðri,

Góður mars

Mars var ansi góður því að báturinn landaði 189 tonnum í 18 róðrum og aftur var meðalaflinn yfir 10 tonn eða 10,5 tonn. Stærsti róðurinn 22,2 tonn.

Maí fram að 11.maí var rólegur. einungis 10,6 tonn í 2 róðrum.

Yfir 200 tonn í apríl.

Apríl var mjög góður því að Jón Helgason ÁR landaði alls 243,9 tonnum í 21 róðri eða 11,6 tonn í róðri. mest 32,3 tonn í einni löndun.

á þessum tíma þá var komið stopp í apríl og hérna að neðan má sjá aflan í apríl árið 1982 hjá Jóni Helgasyni ÁR

Eins og sést þá komst báturinn tvisvar yfir 30 tonn í einni löndun

Ansi góð vika var 13 til 17 apríl því að þá landaði Jón Helgason ÁR 106,7 tonnum í aðeins fimm róðrum eða 21,3 tonn í róðri.

Og þegar upp var staðið þá endaði báturin í 549 tonnum á vertíðinni sem er ansi gott

Jón Helgason ÁR Net Apríl árið 1982
	dagur	afli
	1	5.21
	2	14.92
	3	11.14
	5	31.26
	13	32.34
	14	12.56
	15	19.2
	16	14.96
	17	27.65
	19	23.86
	20	5.25
	22	10.05
	23	7.742
	26	9.55
	27	6.52
	28	11.12
	29	4.8
	30	5.78

Jón Helgason ÁR mynd Vigfús Markússon