Mokveiði hjá Oddgeir ÞH í maí 1997.

Núna árið 2023, þá eru trollbátarnir sem taka trollið inn á síðuna svo til allir farnir í burtu, aðeins einn bátur er eftir

sem stundar trollveiðar og tekur trollið á síðuna, það er Sigurður Ólafsson SF frá Hornafirði.

í raun má segja að Sigurður Ólafsson SF sé eini trollbáturinn eftir á landinu ( reyndar fyrir utan Andvara VE frá Vestmannaeyjum)

því að 29 metra bátarnir eru það öflugir, taka allir trollið inn í gegnum skutrennu og með mjög mikinn togkraft og ekki hægt

að segja þeir séu trollbátar eins og t.d Sigurður Ólafsson SF er.

aftur á móti frá því bátar hófu að stunda trollveiðar hérna við ísland þá voru þeir má segja í ýmsum stærðum, sumir eikarbátar,

stálbátar, álbátar eða jafnvel plastbátur.

allir bátarnir áttu það þó sameiginlegt að þeir tóku trollið eða pokann inn á síðuna,

Oddgeir ÞH

einn af þeim bátum sem stundaði trollveiðar nokkuð lengi hérna landið var Oddgeir ÞH sem Gjögur ehf á Grenivík gerði út.

Báturinn átti sér mjög langa sögu undir þessi nafni Oddgeir ÞH því að báturinn var gerður út í 40 ár undir þessu nafni.

var báturinn gerður út undir Oddgeirs ÞH nafninu til ársins 2003.

í maí árið 1997, þá var Oddgeir ÞH á trollveiðum og mokveiddi.

Alls landaði báturinn 387.7 tonnum í 10 róðrum og gerir það 38,7 tonn í róðri,

eins og sést í aflayfirliti að neðan þá var stærsta löndunin 65,5 tonn.

og deginum eftir þann túr þá kom Oddgeir ÞH með 36,4 tonn í land eftir um 20 klukkutíma túr.

það er auðvelt núna árið 2023 að taka 36 tonn á þeim togbátum sem eru með skutrennu, því þeir getað tekið

allt halið inn í einu. þarna hjá Oddgeir ÞH þá var pokinn hífður um borð á síðuna og pokinn sirka um 600 til 700 kíló

þetta þýddi mikla vinnu að losa pokann, og hnýta fyrir aftur,

þessi mikla mokveiði, 36 tonn á aðeins 20 klukkutímum á báti sem tók trollið á síðuna hefur verið feikileg vinna

það má bæta við að í júní árið 1997 þá landaði Oddgeir ÞH alls

254.4 tonn í 9 róðrum

og landaði því Oddgeir ÞH alls um 642 tonnum þarna þessa tvo mánuði, maí og júní árið 1997.

Öllum aflanum var landað í Grindavík

Oddgeir ÞH Mynd Tryggvi Sigurðsson