Sæbjúga í fyrsta skipti í kvóta "verri umgengi um afla"

Þá er nýtt fiskveiðiár komið í gang

fiskveiðiárið 2022-2023

nokkrar nýjar tegundir koma þar inn í kvóta og stærsta er að sæbjúgan er kominn í kvóta.

Veiðar á sæbjúgu hafa verið stundaðar hér við land síðan árið 2008, en það var báturinn Hannes Andrésson SH sem fyrstur hóf veiðarnar

og fékk þá báturinn alls 549 tonn af sæbjúgu árið 2008.

Sæbjúgan hefur alla tíð síðan verið utan kvóta, þangað til núna.

í rökum varðandi ákvörðun um að setja sæbjúgu í kvóta sem var ákveðið með lögum sem samþykkt voru á alþingi 15.júní.

þá er sagt að fyrir það fyrsta þá er kvótinn á sæbjúgu skipt niður eftir veiðisvæði, enda er hreyfanleiki sæbjúgna ekki mikill.

Í greinargerð segir meðal annars, " vegna endurskoðunar ráðgjafar hefur afli við sæbjúgnaveiðar degist mikið saman,

þetta er óheppilegt , leiðir til kapphlaups um veiðarnar, verri umgengi um afla og skaðar verðmætasköpun í vinnslu og markaðsstarfi,

léleg afkoma mun vera af veiðunum".

Mjög sérstakt orðalag í þessaru skýrslu að fullyrða um að um að verri umgengi sé um aflann og það séu ein af rökunum fyrir því að sæbjúga er sett í kvóta.

Síðan veiðar hófust á sæbjúgu árið 2008 þá voru þær svo til hálfgerð frumkvöðlastarfsemi, og sjómenn sem hafa stundað þessar veiðar hafa þróað og betrumbætt bæði veiðarfæri

og hvernig á meðhöndla sæbjúgun og hafa í dag ansi mikla þekkingu á því hvernig best sé að umgangast sæbjúgu.

að ganga vel frá aflanum og því er þetta mjög sérstakt að setja þessa línu inn " verri umgengi um afla" sem röksemdum við því að sæbjúga sé sett í kvóta.

Annars hefur verið úthlutað samtals um 2065 tonnum af sæbjúgu sem er skipt á vestursvæði, austursvæði og Faxaflóa.

og deilist þessi kvóti á alls 8 báta.

Hérna má sjá bátanna og kvótann

Bátur	Eigandi	Kvóti
Friðrik Sigurðsson ÁR 17	Hafnarnes Ver	396.6
Klettur ÍS 808	Aurora Seafood ehf	372.4
Jóhanna ÁR 206	Hafnarnes Ver	305.7
Eyji NK 4	Emel Ehf	153.5
Sæfari ÁR 170	Völ ehf	368.5
Tindur ÍS 235	Aurora Seafood ehf	206.6
Bára SH 27	Royal Iceland ehf	142.2
Ebbi AK 37	Ebbi-útgerð ehf	100.2

Eins og sést þá er Hafnarnes Ver ehf með 702 tonna kvóta og Aurora Seafood með 579 tonna kvóta, auk þessa báta

þá á Hafnarnes ver EHf bátinn Þristur ÍS sem líka hefur stundað sæbjúguveiðar með góðum árangri undanfarin ár.

Friðrik Sigurðsson ÁR mynd Jón Ölver MAgnússon