Samanburður á Íslandi og Noregi

Núna liggja fyrir aflaverðmætis tölur fyrir Norsku bátanna og togaranna.

Það er ansi áhugavert að bera þær saman við íslensku skipin.

Ef fyrst eru skoðaðir t.d Frystitogararnir þá er iðulega Íslensku skipin með meira aflaverðmæti

og skýrist það af því að allir íslensku frystitogarnir eru að flakafrysta aflann á meðan að langflestir Norsku frystitogaranna

eru að heilfrysta aflann. það eru ekki nema um 3 flakafrystitogarar í Noregi.

Ef uppsjávarskipin eru skoðuð þá snýst dæmið við.

því þá eru Norsku skipin með mun hærra meðalverð enn þau íslensku.

Það uppsjávarskip á ÍSlandi sem var með mesta aflaverðmætið árið 2020 var Margrét EA sem var með rúmlega 2 milljarða króna

en nokkur hluti af þeim afla sem skipið veiddi var landað í Noregi og fékkst þannig mun hærra verð fyrir aflann, sem var síld

en að landa á Íslandi, Meðalverð hjá Margréti EA var líka hæst eða 56,6 krónur af þeim sem eru skoðaðir hérna

Eins og sést að neðan þá var Ligrunn með mest aflaverðmætið árið 2020 í Noregi ekki bara af uppsjávarskipunum heldur af öllum Norskum

skipum. þrjú uppsjávarskip í Noregi voru með meira enn 2 milljarða í aflaverðmætið enn aðeins einn á íslandi.

Selvag SEnior var með 98,9 krónur í meðalverð.

Hvað veldur þessu mun?

jú í Noregi þá eru langflest uppsjávarskipin í eigu einstaklinga, fjölskyldu eða fyrirtækja. og svokallað uppboðskerfi er í Noregi

og er því boðið í aflann af stöðvunum sem taka á móti aflanum.

Á Íslandi þá eru skipin í eigu verksmiðjanna nema Hákon EA og MArgrét EA. Gjögur á Hákon EA og Samherji á Margréti EA

Reyndar hefur Margrét EA landað bræðslufiski sínum á Neskaupstað t.d kolmuna.

Núna er reyndar búið að selja Margréti EA en nýr Vilhelm Þorsteinsson EA mun koma í staðinn fyrir Margréti EA

ekki er uppboðskerfi á ÍSlandi á aflanum frá skipunum og landa því skipin hjá sinni vinnslustöð.

Margrét EA mynd Regin Torkilsson

Ligrunn Mynd Magnar Lyngstad