Solfisk H-150-B nótabátur í Noregi, 2017
Alltaf gaman að skoða hina ýmsu útgerðarhætti í Noregi. Hérna á íslandi eru uppsjávarveiðarnar orðnar þannig að skipin eru orðin gríðarlega stór og sjá þau svo til um allar uppsjávarveiðarnar sem Íslendingar hafa heimildir til þess að veiða.
Í Noregi er þessu aðeins öðruvísi farið , jú þar eru gríðarlega stór skip enn þar eru líka mun minni bátar og jafnvel alveg niður í smábáta sem eru að stunda veiðar á jafnvel makríl, síld og loðnu. SVona lagað þekkist ekki á ÍSlandi,
Ekki allir eru þeir stórir
Einn af þeim bátum sem hafa stundað veiðar á þessum tegundum er mjög lítill bátur sem heitir Solfisk H-150-B. öfugt við þá norska báta sem ég hef fjallað um hérna á síðunni sem svo til allir eru að veiða við Norður-Noreg, þá er Solfisk að veiða við Suður-Noreg.
Solfisk er 10,6 metra langur og 4 metra breiður, smíðaður úr plasti árið 2003.
Solfisk er gerður út frá bæ sem heitir Skudeneshavn sem er ekki langt frá Bergen í Noregi. þar leggur hann afla sinn upp hjá fyrirtæki sem heitir Skude Fryseri AS. Um 3400 manns búa í Skudeneshavn
Frá áramótum þá hefur þessi litli bátur landað alls 177 tonnum af síld og hefur núna undanfarna daga verið að veiða hestamakríl,
og hefur landað 41 tonni núna í fjórum róðrum eða um 10 tonn í róðri. Fullfermi hjá Solfisk er 12 tonn og hefur báturinn komið með þann afla þrisvar.
Solfisk Mynd Scanfishphoto
Solfisk Mynd Scanfishphoto.com