Stuttu túrarnir hjá Páli Pálssyni ÍS, 760 tonn á land

Þá er lokalistinn fyrir togaranna í janúar árið 2024 kominn hingað á Aflafrettir.is

og á toppnum þá er Björgúlfur EA

enn togarinn sem er í öðru sætinu vakti heldur betur athygli mína.

en það var togarinn Páll Pálsson ÍS frá Ísafirði.

Togarinn endaði í öðru sætinu, þrátt fyrir það að hafa aðeins landað mest 113 tonnum í einni löndun.

sem sé enginn fullfermis túr hjá togarnum, en aftur á móti þá voru landanir togarans eftirtektaverðar margar

því þær voru alls 10.

Stuttir túrar algengir

Það er reyndar ekkert nýtt að togarar frá Vestfjörðum landi oft í janúar, og í gegnum aflatölu grúsk mitt

þá hef ég séð að að á árunum frá sirka 1978 og alveg fram yfir 1990, þá var þetta mjög algengt að ÍS togarar, ( t.d Dagrún ÍS , Bessi ÍS, Páll Pálsson ÍS gamli, Guðbjartur ÍS, Elín Þorbjarnardóttir ÍS, Framnes ÍS og Gyllir ÍS svo dæmi séu tekinn)

að oft í janúar þá lönduðu þessir ÍS togarar oft upp undir 10 landanir í janúar, og var það þá iðulega útaf brælu, eða þá mokveiði

og nefna má að oft voru það þessir stuttu túrar togaranna sem gerðu það að verkum að ÍS togarar

voru oft á tíðum með aflahæstu togurunum á mánuði eða þá yfir heilt ár, eins og t.d árið 1981 þegar að Dagrún ÍS endaði aflahæstur allra togara á landinu.

Páll Pálsson ÍS árið 2024

og það má segja að það sem áhöfnin á Páli Pálssyni ÍS gerði núna í janúar hafi verið sambland af þessum tveimur,

skotist út á milli lægða og verið í mokveiði, enn togarinn var að mestu á veiðum á miðunum utan við Vestfirðina í janúar.

ég tók saman landanir togarans í janúar og áætlaði lengd hvers túrs

hjá Páli Pálssyni ÍS og eins og sést þá meðalaflinn á dag iðulega í kringum þetta 30 til 35 tonn

Dagur	Afli	Fjöldi daga	tonn per dag
2	79.0
4	38.7	1	38.6
8	90.6	3	30.2
11	73.7	2	36.9
15	113.6	3	37.9
18	61.5	2	30.8
22	77.4	3	25.8
25	75.3	2	37.8
29	95.5	3	31.8
31	54.7	2	27.3

Páll Pálsson ÍS mynd Skipasýn