Velkominn til Sandgerðis Máni II ÁR, 2018
Einn af þeim bátum sem komu til Sandgerðis í gær var Máni II ÁR sem er gerður út frá Þorlákshöfn.
Það er nokkuð merkilegt við það er að þetta er í fyrsta skipti í rúm 5 ár sem að báturinn kemur til Sandgerðis á línuveiðar., enn báturinn kom nokkra róðra í október 2013 á línuveiðar enn hefur ekkert komið til Sandgerðis fyrr enn núna.
Reyndar er rétt að hafa í huga að Haukur Jónsson útgerðarmaður Mána II ÁR keypti bátinn árið 2008 frá Akranesi þar sem að báturinn hét Bresi AK og var þá báturinn tekin í miklar breytingar hjá Sólplasti í Sandgerði.
Við komuna til Sandgerði þá að sjálfssögðu óskaði ég Ragnari skipstjóra og Hauki útgerðarmanni til hamingju með að vera kominn til Sandgerðis. kanski hefði hafnarstjórinn í Sandgerði átt að gera það. enn hafnarstjórinn lætur lítið sjá sig á höfninni. Hafnarstjórinn og bæjarstjórinn er sami aðilinn.
Ragnar sagði í samtali við Aflafrettir að þessi túr hefði verið ansi langur. þeir fóru frá Þorlákshöfn um kl 20:30 kvöldið 5.janúar og voru komnir til hafnar í Sanderði um kl 16:00 6.janúar. voru þeir með um 4,5 tonn á 28 bala. Sagði Ragnar að ekkert hefði verið að gerast í veiðum útfrá Þorlákshöfn og hefðu því þeir loksins fengið grænt ljós á að fara til Sandgerðis. enn Jón Ásbjörnsson RE sem vanalega er í Þorlákshöfn var búinn að vera í Sandgerði síðan um miðjan nóvember og fiskað vel.
eins og fyrirsögnin segir. Velkominn til Sandgerðis.
Silgt í rennunni áleiðis í höfnina,
Komið inní höfnina
og snúið að löndunarkrana. flottur bátur
Nóg dekkpláss. Myndir Gísli Reynisson